Dende o luns, 22 de xullo, o Concello de Oímbra pon á venda ó público as entradas para a súa XXVII Edición da Feira do Pemento.

As mesmas estarán dispoñibles para mercar en: 

  • Bares do Concello de Oímbra.
  • Concello de Oímbra.
  • Teleclub de San Cibrao.
  • Borys Martínez Fotografía (Verín).
  • Librería Pica Pica (Verín)

Terán un prezo de 15 € que permite acceder á comida popular que se celebra ás 14:00 horas, dado que o resto do evento é completamente gratuíto. 

Na propia feira, que comezará ó redor das 11:00 horas, haberá postos de venda de produtos locais, artesanía, exposición de pratos de cociña elaborados polos veciños baseados no pemento e actuacións musicais. Sen dúbida, unha das citas ineludibles da gastronomía galega.

No Concello de Oímbra, os productos de horta e, especialmente, os pementos, representan un alimento natural de excelente calidade e son un elemento básico na nosa economía.
Dende o Concello de Oímbra queremos potenciar esta máxima e que as xentes da xeografía galega, e do resto do país, poñan a funcionar a súa imaxinación e vexan nos pementos un elemento básico na súa alimentación.

Se conseguimos isto, conseguiremos potenciar a economía dos nosos habitantes e, así mesmo, mellora-la calidade de vida de Oimbranos e foráneos.

Coa potenciación e divulgación dos pementos, a agricultura de Oímbra ten que camiñar cara a transformación destes productos, para que a curto­medio prazo o valor engadido dos nosos esforzos repercuta na nosa economía.

Temos que aproveitar a vantaxe que supón ter nome propio, Indicación Xeografica Protexida Pemento de Oímbra, para posicionarnos nos mercados e participar activamente nos ciclos económicos.

O Domingo 1 de Agosto Oímbra será un escaparate de productos diversos, donde os pementos serán os reis e, as cebolas, os tomates, o viño, a maquinaria agrícola, a artesanía popular ... , estarán acompañándoos, para facelos, se cabe aínda, máis atractivos.